كلمه “محاسبة مقاولات ” كتير لما بيسمعوها بيقلقوا منها واحده واحده وباذن الله تعالى معانا هتكون اسهل محاسبهفكرت كتير ابدا منين تبسيط محاسبة المقاولات وصلت ان افضل طريق هي الشرح العملي من قبل ما يبدا المشروع لحد ما توصل لنهاية المشروع في البدايه لو اشتغلت في شركة مقاولات يبقى اول حاجه تعملها تعرف الفرق بين المصاريف المباشره والمصاريف الغير مباشره وببساطه شديده المصاريف الغير مباشره هي المصاريف التي لا تظهر بشكل مباشر في المشروع مثل رواتب الاداره والايجارات وكهرباء المكتب والرسوم السنويه
اما المصاريف المباشره فهي التي تتعلق بالمشروع نفسه مثل المواد والمستخلصات وغيرها من المصاريف التي تتم في الموقع نفسه
عرفنا الفرق بين انواع المصاريف تبدا بقى في حصر المصاريف غير المباشره كلها خلال سنه
يعني الرواتب والايجار والتامينات ولو في السعوديه يبقى تجديد الاقامات والمصاريف الحكومية والبدلات واي مصروف خلال العام
ومجموعهم تقسمه على نسبة المصاريف الغير مباشره المحدده للمشاريع وتتراوح في العاده من ١٥ ٪
و نسبة الربح في الغالب بتحدد على ٢٥ ٪
يبقى كده المصاريف المباشره ٦٠٪
مثال للتوضيح لو مثلا المصاريف الغير مباشره مليون
نقسم المليون على ١٥ ٪ يطلع المطلوب ٦،٦٦٦،٦٦٦ مشاريع سنويا
نسبة الربح فيها هتكون ٢٥٪ يبقى قيمة الربح تساوي ٦،٦٦٦،٦٦٦ ضرب ٢٥٪ = ١،٦٦٦،٦٦٦
والمصاريف المباشره تساوي ٦،٦٦٦،٦٦٦ ضرب ٦٠ ٪ = ٤،٠٠٠،٠٠٠
كده يبقى حققنا التارجت بتاعنا طيب هل ممكن التارجت ده يقل ايوه ممكن لحد ما الربح يبقى صفر وهنا نسبة المصاريف المباشره هتوصل ل ٤٠ ٪ و المصاريف المباشره ٦٠ ٪ وده بيسمى نقطة التعادل
Breakeven
وفي المثال بتاعنا هتكون المشاريع السنويه تساوي المصاريف الغير مباشره مقسومه على ٤٠ ٪
يعني مليون على ٤٠ ٪ يساوي ٢،٥٠٠،٠٠٠
والمصاريف المباشره ٦٠ ٪ تساوي ١،٥٠٠
كده المنشاه لا كسبت ولا خسرت “نقطة التعادل” 
يبقى لو انت مركز معايا المنشاه لو جابت مشاريع ب ٢،٥٠٠،٠٠٠ تبقى لا كسبت ولا خسرت ولو جابت مشاريع ب ٦،٦٦٦،٦٦٦ يبقى حققت اعلى تارجت ليها وهو المحدد من قبل بالنسب المتفق عليها
طيب لو المنشاه جابت مشاريع ب ١٠٠ مليون مثلا
اقولك كده المبيعات بتهرج وبتدمر المنشاه حرفيا لانك علشان توسع المبيعات يبقى لازم توسع قاعدة المصاريف الغير مباشره ولو وسعت المصاريف الغير مباشره يبقى التارجيت ده انت ملزم تجيبه كل سنه فهل هتقدر ولا لا ونفس المثل نعيده تاني علشان نفهم مشروع ب ١٠٠ مليون محتاج مصاريف غير مباشره ب ١٥ ٪ يعني ١٥ مليون سنويا هتقدر تجيبه كل سنه ولا لا
التوسع الراسي لابد ان يلازمه توسع افقي هنا وصلنا لنهاية مقال اليوم كاول مقال عن محاسبة المقاولات واتمنى ربنا يكون وفقني وقدرت اوصل المعلومه بشكل جيد وان احيانا المولى هنتكلم عن تسعير المشروع و كيفية تقديم عرض سعر حتى الوصول للعقد باذن الله