طريقة عرض القوائم المالية
القوائم المالية
قائمة المركز المالي أو الميزانية العمومية
المقصود اقولك ان الميزانية هي صورة سلفي للشركة يعني لقطة لعرض أصول الشركة والتزاماتها وحقوق الملكية في وقت محدد عشان كده بنقول على حساباتها الحسابات الحقيقية
وعلى حسابات قائمة الدخل الحسابات الوهمية لان حسابات الإيرادات و المصروفات مش بتظهر في الميزانية
قولنا لو دليل الحسابات متكون من ٥ حسابات رئيسية صح ( أصول – خصوم – حقوق الملكية – إيرادات و مصروفات )
هتاخد اول ٣ وهنقسمهم لقسمين متوازن مدين ودائن في عرض الميزانية وتدرج في العرض كل ما يندرج تحتهم
حسب معادلة الميزانية
الأصول = الألتزمات + ” حقوق الملكية متضمنة ربح او خسارة الفترة “
هتلاحظ اني كتبت ” حقوق الملكية متضمنة ربح او خسارة الفترة “
ده عشان في ميزان المراجعة نتيجة المقابلة بين الايردات و المصروفات في قائمة الدخل”سواء ربح أو خسارة ” هي المتمم للميزانية
يعني الميزانية مش هتظبط بدون نتيجة قائمة الدخل
*- هنا هتلاحظ بدأ بالاصول المتداولة وليس الثابتة
ودي يرجع لأهمية الأصول المتداولة وهي أغلب طريقة عرض مستخدمة و لا يمنع وجود طرق عرض تانية تبدأ بالاصول الثابتة حسب طبيعة النشاط
*- طبعا هيكون موجود ايضاحات متممة للميزانية في القوائم مثلا توضيح الكاش كما كان في بوست قائمة الداخل السابق عرضه
مثال الكاش
نقدية بالخزينة 500
نقدية في البنك 1000
الاجمالي كما ظهر1500
*- هتلاحظ مفيش حساب مخصص اهلاك وده ليه يا سيدي
عشان حسب معايير العرض والإفصاح الأخيرة تظهر الأصول وتعرض بصافي القيمة الدفترية
وده معناه ان اكيد في ايضاحات الاهلاك وتكوين المخصص و التكلفة التاريخية مرفقة للميزانية و غالبا هتلاقي جنبها رقم إيضاح
*- لو عندك قرض طويل الاجل ب5000 لكن هتسدد منه السنة القادمة 1000
يفضل عرض 1000 في الالتزامات المتداولة و 4000بالالتزامات طويلة الأجل
*- هنا الميزانية افترضت لشركة مساهمة
لكن لو لشركة او لمؤسسة فردية يجب عرض قيمة رأس المال المسجلة في السجل منفصلة حتى لو كانت اجمالي الحقوق بالسالب و يعرض باقي حقوق الملاك ” جاري الشركاء ” كمتمم
*- طبعا الاحتياطيات و المخصصات الأخرى كمكافأة نهاية الخدمة تظهر في الميزانية في حالة وجودها
طيب طريقة عرض مخصص نهاية الخدمة
يتم اعتباره التزام طويل الأجل
يعني لو موجود يظهر بعد قروض طويلة الأجل اللي في الصورة
*- واحد شاطر هيقولي دي ميزانية افتتاحية مش نهائية
هقوله ليه
هتقولي المفترض لو ميزانية نهائية هناك حساب الأرباح المرحلة أو احتياطيات هيتواجد في العرض
ملحوظات ونصائح
– طبعا المخزون هيكون مقيم بالقيمة القابلة للتحقق أو التكلفة ايهم اقل حسب المعايير الأخيرة
– لازم تطلع على المعايير وتراجع الجديد كل سنة وخاصة وانت بتعد القوائم المالية
– أهم المعايير – معيار المخزون – معيار الاالات و المعدات – معيار الإيراد- معيار العرض و الإفصاح
– الزكاة تحسب في الايضاحات المتممة و يظهر المخصص في الالتزامات المتداولة
– سهل جدا تعد الميزانية لو اطلعت على الميزانية القديمة أو ميزانية مشابهة
– قاعدة عامة كل بند يتكون من مجموعة بنود او نتيجة عملية حسابية طبيعي هيكون له إيضاح مرفق في الميزانية ” الرقم المعروض جه منين “
– ممكن تكسب خبرة الميزانية فقط خلال انك تطبع الميزان وتحاول تعملها لحالك و تنتظر ميزانية المراجع المعتمدة ثم تقترن بينهم و تعرف سبب الاختلافات
– سهل جدا التعلم بالنظر عبر الاطلاع على قوائم شركات المساهمة المنشور و المتاحة على النت لصورة عامة
