متطلبات الفاتورة الإلكترونية للمرحلة الأولى في السعودية

متطلبات الفاتورة الإلكترونية للمرحلة الأولى في السعودية تبدأ المرحلة الأولى تاريخ ٤ديسمبر ٢٠٢١ و تبدأ المرحلة الثانية تاريخ ٦ يناير ٢٠٢٣

متطلبات الفاتورة الإلكترونية  للمرحلة الأولى في السعودية 

أهمها 

١- برنامج  يقبل الدمج  مع API 

٢-  اصدار  فواتير عليها QR ٠

تعالى نفهم الطلبين دوول اية عشان نعرف ليه مطلوبين 

ال API

 application programming inter face 

تعني واجهة برمجة التطبيقات 

المعنى العلمي👇

 وصف العناصر البرمجية حسب وظائفها ومدخلتها و مخرجاتها 🤦‍♂️

انتظر قبل ما تسأل 😊

هوضحلك أكثر و  اوعى تنشن مني 😅

لو  انت  بتشتغل على  برنامج X مثلا 

و الزكاة و الدخل عندها برنامج Y    مثلا

و بما أن الهدف الرئيسي من الفوترة الإلكترونية هو الربط  البائع و المشتري على  موقع  الزكاة اليا 😉

 فهنا مواقع الزكاة  محتاج بيانات محددة بشكل محدد ياخدها من برنامج X  و تعالج على برنامج Y كأنها بالأساس بيانات داخل برنامج Y 🤔

 هنا وجهة التطبيقات البرمجية API   دورها “الوصل ” والوصل جميل😅 حلو يا ما أحلاه  ” 

يعني الدور الاساسي   توفير وتحويل  البيانات من اي  برنامج   لدى المكلف  بصفات مستقلة  تمام عن الآلية التي نفذت بها  إلى  الصورة التي تسمح لبرنامج الزكاة  التواصل معها اليا  و فهمها 

كلام جميل 😊 كلام حلو 😅

هتقولي لا  لسة عايز افهم أكثر 

هنا ماشي 🤦‍♂️

هقولك اية … دايما تعبنا معاك يا حسين 😅

مثال 👇

لو سفرت أوربا  ” بعد الشر عليك وعقبالي 😅 “و مش  عارف اي لغة هناك  هتتفاهم معاهم ازاي و هتعمل اية 

  هتقولي دي مش مشكلة خالص في  جهاز صغير كده  قد الكف  يترجم اي لغة لأي لغة 😎

يعني لو  انت هتكلم عربي  هو هيترجم لهم  بلغتهم و هم بيتكلموا بلغتهم و الجهاز يوصل ليا الكلام عربي 😎

هقولك بالظبط  اهو الجهاز ده بيقوم بدوره API بين البرامج 

 هتقولي طيب هو اية و  ليه ال QR

RQ 

Quick Response code 

هو رمز الاستجابة السريعة “فخر كوكب اليابان”😊

هو رمز كودي ثنائي الأبعاد على شكل مربع بها ثلاث مربعات صغيرة في ثلاث جوانب 

اختراع شركة  تابعة لتويوتا لصناعة السيارات لتتبع قطع السيارات داخل المصنع اليا 

ويشاء انه ينتشر على مجال  واسع  من بعدها 👏

وصار ممكن تشفر عليه لينكات مواقع و بيانات أخرى 

ما علينا 🤠

السؤال 🤔

هو ليه هيئة الزكاة طلبت وجود الرمز ده 😉

سؤال جميل 😇

لكن ممكن يصاغ بطريقة اجمل وهي 😉

اية تتوقع يكون موجود داخل QR 🤔

هقولك ببساطة 🤠

– الرقم الضريبي  للمورد

– الرقم الضريبي للعميل 

– القيمة قبل الضريبة الفاتورة 

– قيمة الضريبة عن الفاتورة 

– احتمال رقم الفاتورة  عندم المورد أو رقم مميز الفاتورة  مشفر من الزكاة “في المرحلة الثانية ” 

هتقولي  ليه 😉

لانه  حسب اعتقادي وخبرتي ده البيانات الي هيتم بها الربط بين المكلفين بسهولة 

وممكن تتأكد بعد كده بنفسك بقراءة ال QR بكاميرا التليفون 

ملاحظات ونصائح 🌹

– الفوترة الإلكترونية تهدف إلى الربط بين الفواتير فقط وليس كامل البيانات داخل البرنامج كما  يعتقد البعض 😅

– لو انت مدير حسابات أو مدير مالي يجب تتابع  وتطلع على اخبار  و ورش الزكاة اول بأول و تفهم اتجاهها  الرقابي و أسبق بتجهيز منشاءتك لها 

–  المعلومات التقنية أصبحت من المهارات الناعمة لأي محاسب 🥳

– افهم البرنامج  اللي انت شغال عليه   قبل  و اسئل  عن إمكانية  تقبله للتعديلات المطلوبة الفاتورة الإلكترونية 👌

– ابدأ البحث عن برنامج يستطيع مواكبة متطلبات الفوترة الإلكترونية  اذا برنامج غير مرن برمجيا  وارشحلك البرامج السحابية 👌

– أصبح  إضافة الرقم  الضريبي للعميل المسجل إلزامية في المرحلة الأولى ” لم يكن الزاميا  قبلا ”  🤗

–  بعد الربط في المرحلة الثانية  مفيش حاجة اسمها تعدل  فاتورة  ☺

– تبدأ المرحلة الأولى  تاريخ  ٤ديسمبر ٢٠٢١ و تبدأ المرحلة الثانية تاريخ ٦ يناير ٢٠٢٣

اكتب تعليق

لن يتم نشر عنوان بريدك الإلكتروني. الحقول الإلزامية مشار إليها بـ *