المتوسط المرجح و المتوسط المتحرك
كلام عملي و تصحيح مفاهيم
الخطأ الشائع 👀
ان المتوسط المرجح هو نفسه المتوسط المتحرك و ان المرجح يستخدم لفظيا مع الجرد الدوري و المتحرك يستخدم لفظيا مع الجرد المستمر
وان كلاهما يعطي نفس النتيجة
وده طبعا كلام غير صحيح و غير دقيق بالمرة
ويرتكز على ان عملية حساب المتوسط تتم بعد عملية الشراء في كلاهما و لا تتاثر بحركة البيع
طيب اية الفرق و ايهم ادق للاستخدام ؟
ببساطة 👇
الفرق
*- المتوسط المرجح = اجمالي قيمة الشراء خلال الفترة / اجمالي كمية الشراء خلال الفترة
– اجمالي قيمة الشراء خلال الفترة = اجمال قيمة فواتير الشراء لنفس الصنف
-اجمالي كمية الشراء خلال الفترة = مجموع جميع الكميات المشتراة
*- المتوسط المتحرك = قيمة تكلفة البضاعة المتاحة للبيع / كمية البضاعة المتاحة للبيع
– قيمة البضاعة المتاحة للبيع = قيمة الرصيد بالمخزون + قيمة المشتريات الجديدة
– كمية البضاعة المتاحة للبيع = رصيد المخزون + الكمية المشتراة
هتقولي: بالنظر كده النتيجة واحدة ولن يكون هناك فرق كبير !
الإجابة : ده كلام غير دقيق ولا يعبر عن خبرة عملية ☺️
طيب تعالى نطلع على المثال اللي في الصورة 👇
في اول مرة تم عملية الشراء نجد قيمة المتوسط المرجح = قيمة المتوسط المتحرك
والسبب
مجموع قيمة الشراء خلال الفترة = قيمة تكلفة البضاعة المتاحة للبيع
و اجمالي كمية الشراء = كمية البضاعة المتاحة للبيع
لذلك لم يظهر الفرق
لكن مع ثاني عملية شراء م “3” بدا الفرق واضح لك
المتوسط المرجح = (٥٠٠+٤٢٠) مقسوم على(١٠٠+٧٠)=٥.٤١
المتوسط المتحرك = (١٥٠+٤٢٠)مقسوم على(٣٠+٧٠)=٥.٧
و ظهر الفرق بصورة أوضح بعد نفاذ كمية المخزون وتم شراء فاتورة جديدة في م “7” ت 6-1-2020
طيب من المثال نستنتج اية
انا المتوسط المتحرك ادق من المتوسط المرجح
هل كده لو انا سواء استخدمت الجرد المستمر او الدوري يفضل استخدام المتوسط المتحرك
نعم لكن هناك تعقيب صغير
أي نتائج او تقارير خلال الفترة المالية بدون جرد فعلي وإعادة تقييم حسب المعايير هي نتائج معيارية
و الهدف منها المتابعة و الاسترشاد لحين عمل الجرد الفعلي و إعادة التقييم حسب المعايير
و الهدف الأخير من المقال ايضاح انه يمكن تقريب النتائج بالنهج و السياسات بناء على الفهم الصحيح والتطبيق العملي👍