إهلاك الأصول الثابتة

إهلاك الأصول الثابتة – Fixed Assets Depreciation

– تعريف الإهلاك :

الإهلاك ببساطه عبارة عن توزيع منتظم لتكلفة الأصل الثابت القابل للإهلاك كمصروف عبر العمر الإنتاجي للأصل . 

 وتتمثل الأصول القابلة للإهلاك في المباني وجميع أنواع الآلات والمعدات والأثاث والتركيبات والسيارات ، بس منقدرش نعتبر الأراضي أصل قابل للإهلاك لأن عمرها المقيد غير محدود ..

– مسببات الإهلاك :

– تلف الأصل بسبب استعماله فى عمليات المشروع .

– التقادم : يعنى ظهور اخترعات جديدة افضل واحسن كفاءة تؤدي للتجديد .

– مضى المدة : قد يحدث الإهلاك بالنسبة للأصل الثابت نتيجة لمضى المدة حتى من غير استخدامه فى الإنتاج طبقا لمعايير المحاسبة الدولية .

– العوامل التي تؤثر في حساب الإهلاك :

1 – تكلفة الأصل : أساس حساب الأهلاك هو تكلفة الأصل القابلة للاهلاك ..

2 – العمر الإقتصادي للأصل : يقصد به عدد السنوات أو الساعات المقدرة لإستمرار الأصل في الإنتاج والاستخدام ، مع العلم إن إحنا اللي بنقدر عمر الاصل كتقدير محاسبي .

3 – قيمة الخردة : يعني قيمة الأصل في نهاية عمرة الإقتصادي ، يعني بعد مانستخدمه ونهلكه يكون له قيمة بقيمة الخردة بتاعته ودي بتبقا قيمة صغيرة ممكن 10 % مثلاً من قيمة الاصل او اقل.

4 – الطريقة المستخدمة لتوزيع التكلفة على العمر الإنتاجي : يوجد العديد من الطرق المستخدمة في إحتساب الإهلاكات أهمها .

1 – طريقة القسط الثابت 

وفيها بنوزع قيمة ثابتة علي عمر الاصل ، بتتحسب التكلفة القابلة للإهلاك مقسومة علي عدد سنين عمر الاصل ..

2 – طريقة القسط المتناقص 

وفيها بنوزع قيمة متناقصة كل سنة اقل من اللي قبلها ، بتتحسب (التكلفة القابلة للاهلاك مطروح منها مجمع الاهلاك) مقسومة علي عدد سنين عمر الاصل ..

3 – طريقة وحدات الإنتاج 

وفيها بنوزع بقيمة مرتبطة بالاستخدام او الانتاج المتوقع من غير تحديد عمر للاصل ..

وبتتحسب بالشكل ده :(التكلفة القابلة للاهلاك مقسومة علي عدد وحدات الانتاج المتوقعة) ده بيبقا نصيب الاهلاك للوحدة المنتجة الواحدة بيضرب في عدد الوحدات المنتجة عشان نحسب الاهلاك .

– قيد اثبات اهلاك الاصول الثابتة 

قيد إثبات الإهلاك الخاص بالأصول الثابتة بيكون كالتالي .

xx من حـ / مصروف الإهلاك

             xx إلي حـ / مجمع الإهلاك