الدليل الشامل للفاتورة الالكترونية
إجراءات و خطوات تطبيق الفاتورة الضريبية الالكترونية بدءا من 15 نوفمبر 2020 ؟
انتا كشركة بتبيع سلعة او بتقدم خدمة لازم وشركتك مسجلة بالمركز الضريبى لكبار الممولين (كمرحلى اولى ) يعنى هيبدأوا بكبار الممولين وبعد كدة المستويات الاقل .
يعنى بالعربي كدة كل الشركات اللى شغالة فى السوق المصرى لازم يكون عندهم ERP SYSTEM
تعالى بقى نشوف اى حكاية الفاتورة الضريبة الالكترونية اللى بيقولوا هيطبقوها فعليا 15 نوفمبر 2020
هنشوف مراحل تطبيق الفاتورة الضريبية الالكترونية
1- هيتم تركيب جهاز دونجل بة تقنية POS مع اى برنامج محاسبي الكترونى لدى الممولين اللى سينطبق عليهم المنظومة وهيربط ذلك بمنظومة مصلحة الضرائب المصرية
الحق بقى اتعاقد على برنامج محاسبي متخصص فى مجالك قبل الضرايب متحط عليك
2- يقوم الممول بارسال الفاتورة الضريبية الالكترونية الى مصلحة الضرائب بعد اعتماد التوقيع الالكترونى عليها
انتا اصلا فى الاول بتستخرج شهادة التوقيع الالكترونى علشان النقطة دى
3- تقوم مصلحة الضرائب باستقبال الفاتورة وبتصدر كود مستقل لكل سلعة بالفاتورة الالكترونية ثم يتم تخزينها بسيستم المصلحة
4- تقوم المصلحة باعتماد الفاتورة وارسال مايفيد استلام كل الاطراف المعنية بالفاتورة فى نفس اللحظة يعنى بترسل للبائع والمشترى المسجلين بالمنظومة
5- تتم مشاركة الفواتير بكافة الوسايل المتاحة للمصلحة وهى لاما عن طريق الموقع الالكترونى او رسايل SMS او رسايل بريد الكترونى وتطبيقات المحمول
6- تقوم المنظومة الخاصة بالمصلحة بعمليات التخزين والحفظ والمشاركة والمراجعه والتحليل والارشفة
طيب احنا شوفنا المراحل الخاصة بتطبيق الفاتورة الضريبية الالكترونية
انا كشركة هستفاد اى او المزايا الخاصة بمنظومة الفاتورة الضريبية الالكترونية
تعالى نشوف اىه المميــزات :-
اولا : هيحصل تحول رقمى فى التعاملات مع مصلحة الضرائب
ثانيا : انهاء زيارات الاستيفاء المتكررة يعنى مش كل يوم الاقى مأمور ولجنة فحص جيا تعمل كبسة عليا وتقولى دفاترك وفواتيرك
ثالثا : تسهيل الاجراءات الضريبية بدل طوابير المأموريات عند تقديم الاقرارات فى نهاية كل شهر الموضوع كدة بقى الكترونى
رابعا :موضوع الفحص الضريبى هيبقى سهل وهيبقى مدتة قليلة خلاص, انتهى موضوع ان شركة تفضل تفحص 3 او 4 شهور
المشروع اللى هتتبناة مصلحة الضرايب طيب هيساعد فى اىه :
* انشاء نظام مركزى لمنظومة الفواتير الالكترونية لتلقى واعتماد الفواتير لحظيا
*ضم الاقتصاد الغير رسمي للمنظومة الرسمية للدولة
*القضاء على الفواتير الوهمية
*مكافحة التهرب الضريبي
*فحص فواتير المبيعات والمشتريات بشكل اتوماتيكى
ولازم الفاتورة الالكترونية تتضمن:-
التوقيع الالكترونى ويكون سارى وفعال ضمانا للحجية القانونية للممولين
نظام الاكواد الموحدة للسلع والخدمات
طبعا احنا خلصنا جزء بسيط من التعريف بموضوع الفاتورة الالكترونية الضريبية ياريت كل شركة تعمل كنترول ورقابة على فواتيرها المبيعات والمشتريات من جهة الضريبة وتسعى الشركات للتعاقد على برامج محاسبية لتسجيل كافة المعاملات عليها وربطها فيما بعد مع مصلحة الضرئب