قيود الاقفال نهاية العام
طبعا المدير المالي ورئيس الحسابات بيعملوا طواري وشد الحزام وسهر الليالي والمحاسب المسكين مفكر انهم بيحاربوا جوه ويدعي لهم ومحدش يقرب للمكتب تبعهم وكمان يطلبوا عشاء وغداء على حساب الشغل وهيصه .الموضوع سهل وبسيط ويحتاج الى شويه معرفه وفهم للارقام وكيفيه توزيعها على السنه حتى يتم تحميل كل عام بما يخصه .وهي كالتالي :-
قيد الاهلاك السنوى للأصول :
طبعا فيه ناس وانا واحد منهم بعمل الاهلاك نهايه كل شهر بحيث اول نهايه العام اكون ظبطت الامور مش باقى غير تسويات خفيفه وفيه ناس بتعمله مرة واحد اخر السنه …ودى بكون بجدول على الاكسيل فيه قيمة الاصول -تاريخ الشراء -نسبه الاهلاك -قيمة الاهلاك السنوي .وبعد الانتهاء من الجدول يتم عمل القيد الشهرى أو السنوى
من ح/ مصروف اهلاك ( سيارات -معدات -اثاث ….)
الى ح/ مجمع اهلاك ( سيارات -معدات -اثاث ….)
وطبعا الأصول تظهر في الميزانية بالصافي بعد خصم مجمع الاهلاك الى بيكون احد مرفقات الميزانية (( كشف الاهلاك ))
1- مخصص الديون المشكوك فيها :
ودا بيكون حسب رؤيه الادارة ووضع السوق ودراسه حاله كل عميل وبعدها يتم تحديد نسبه المخصص وقيد المخصص بيكون
من ح/ مصروف مخصص ديون مشكوك في تحصيلها
الى ح/ مخصص الديون المشكوك في تحصيلها
في القوائم الماليه هناك رأيان الراى الاول بيقول عرض العملاء بكامل المبلغ و في المقابل يتم عرض المخصص في الجانب الدائن من الميزانية و الراى الاخر بيقول وضع العملاء بالصافي بعد خصم المخصص …
ملحوظة :- عند احتساب المخصص نهايه العام وكان يوجد رصيد سابق للمخصص يجب التكمله علية لان المخصص تراكمي بمعنى لو فيه رصيد 100 الف وانا حسبت مخصص نهايه العام 150 الف يبقى القيد هيكون ب 50 الف فقط حتى يكتمل عندى نسبه المخصص الى انا محتاججها وهى 150 الف ….
2- المصروفات المقدمة و من اهمها الايجار:
…شوف عندك ايجار 100 الف ريال في السنه .الايجار هنا هجرى و السنه الهجرية 354 ريال وليس 365 يوم ..هنقسم الايجار السنوي 100,000÷354= 285.5 الايجار اليوم هتاخد المبلغ دة وتضربه في عدد ايام الشهور الميلادية باختلاف ايامها فيه 30و 31و28 علشان نهايه السنه هتلاقى مبلغ الايجار المحمل على السنه مظبوط والمحاسب القانوني ما يطلع بعد فروقات ايجار وتعمل قيد
من ح/ مصروف الايجار
الى ح/ مصروف الايجار المقدم ..
دا اهم بند في المصروفات المقدمة واى عقد تاني عليه مصروف مقدم يتم التعامل معه بنفس الطريقع بس بالقيمة على السنه الميلادية 365 يوم …مع نفس القيود مع ترحيل الرصيد المتبقى من المصروف المقدم للسنه التالية ويظهر فى قائمة المركز المالي جانب الاصول .
3- مخصص نهايه الخدمة…:
ودا مخصص تراكمي وقبل كدة عمل فيه منشور لحاله ..باختصار بتعمل شيت اكسيل لحساب نهايه الخدمة وبعد ما تعمل الشيت هتعمل قيد بما يخص السنه من المكافئة مطروح منه السنوات السابقه
من ح/ مصروف نهايه الخدمة
الى ح/ مخصص نهايه الخدمة
4- تذاكر السفر و الاجازات المستحقة عن العام الحالي :
..ودا حسب نظام كل شركة فيه شركات بتصرف وقت سفر الموظف وفيه شركات بتعمل مصروف مستحق بردوا شيت اكسيل لكل الموظفين وحساب المستحق حسب الراتب وجهه السفر ..وبردوا نفس القيود
من ح/ مصروف تذاكر سفر و اجازات عن العام الحالي
الى ح/ تذاكر السفر واجازات مستحقة
طيب لما الموظف يحب يسافر فى السنه التالية بيكون القيد
من ح/ تذاكر سفر و اجازات مستحقة
الى ح/ البنك او النقدية
ونفس القيود دى لأى مصروف مستحق يخص العام الحالي ولم يتم سداد في نفس العام (( رواتب -كهرباء -مياة ………)) حتى يتحمل كل عام مالي بما يخصه من مصروفات ..
5- قيد اثبات اتعاب مكتب المراجعه :
دا بيكون لعقد على عمل ميزانية العام الحالي 2018 .نهايه العام يتم عمل قيد
من ح/ مصروف اتعاب مكتب المراجعه
الى ح/ مكتب المراجعه أو الى ح/ مصروف مستحق
وفي 2019 يتم الدفع له
من ح/ مصروفات مستحقه
الى ح/ البنك او الصندوق
6- قيد إثبات مخصص الزكاه او الضريبة
..بعد الانتهاء من الميزانية وتحديد مبلغ الزكاه او الضريبة (( بيكون محول حسابها في القوائم المالية والمحاسب القانوني بيبلغك بالقيمة )) علشان تعمل القيد
من ح/ مصروف الزكاه او الضريبة عن العام 2018
الى ح/ مخصص الزكاه او الضريبة
وفى 2019 يتم السداد
من ح/ مخصص الزكاه او الضريبة
الى ح/ البنك او الصندوق
7- طبعا بالاضافه الى الشركات التى لديها مخزون يتم جرد المخزون وعمل اللازم من قيود للبضاعه التالفه وكذلك مخصص هبوط اسعار لبعض السلع والمنتجات .