اختيار محاسب لبرنامج محاسبي : لو حضرتك محاسب داخل على تطوير بشركتك وبتدور على برنامج محاسبي خلي في بالك كذا حاجة
* اعرف امكانيات شركتك المادية و الهيكلية و حدد طلباتك بدقة
* لاتكتفي انك تاخد فكرة من طريق ديمو البرنامج لانها نسخة مختصرة لاتظهر عيوب الممارسة
* السمعة فقط لا تكفي اعرف التفاصيل و اسأل مجرب فعلي ويكون شخص موثوق فبعض البرامج بتاخد سمعة نظرا لرخصها او لجودة التسويق و ارتفاع العمولات “واخد بالك”
* البساطة دور على جودة الاداء مع سهولة الاستخدام “نوافذ سهلة و ادخالات بسيطة “
* القدرة على استيعاب انشطة عملك بمشاكله وضغوطه و احتمالية التوسع “مرن برمجيا”
* دور على الذكاء البرمجي و المرونة في اختيار محاسب لبرنامج محاسبي
* المقصود التقارير المرنة و القدرة على تطويرها و احتوائها لكل ما يفيدك
* دور على اسم الشركة او المؤسسة المالكة للبرنامج لابد ان تكون مؤسسة سمعتها جيدة و الدعم الفني و الخدمة لديها على مستوى الثقة
* صدق عينك و التفاصيل و متصدقش مندوب المبيعات
* اللي اوله شرط – خد بالك في الاتفاق اتفق على كل صغيرة وكبيرة و واعرض طلباتك كاملة وبزيادة
* اوعى تاخد بالمظاهر ” شكل النوافذ و الالوان “
* لو هتشتري برنامج بسيط اتاكد انه متكامل وهيفيدك
” سعر قليل و يؤدي الغرض”
– لو هتشتري برنامج اي ار بي ERP اتاكد انك بتتفق على جميع المديولات اللي هتحتاجها !!! مديولات 😲 😴متفاجئ هقولك ؟
اغلب الشركات ERP بيقسموا البرنامج لمديولات على حسب هواهم “مش مجرد مديولات مقاولات و النقل او الخدمية وغيره حسب الانشطة
” خد التقيلة “
مثلا يقولك مديول مقاولات وانت فاكر انك كدا اتفقت على البرنامج كامل تفتحه متلاقيش لا حسابات لقيود اليومية او حساباات مخزون “حركة صنف ” اوعى تتفاجي🤣
اسئل المندوب اية المديول الناقص “حسب توزيعتهم” واتفق على كل الموديالت اللي انت محتاجها
مثلا هتلاقي مديول مخازن لحالة و مديول صندوق و مديول مودين ومديول عملاء وهكذا اه و ممكن يقسملك الموردين لمديول فاتورة مشتريات و ومديول ذمم وكل مديول بسعر “مفيش حاجة
ببلاش”
وللامانه بعضهم بيصرحك من البداية و بيعرفك الاتفاق يشمل فقط مديول كذا 🤔 وبعضهم بيفاجائك بعد ما تدفع ويسالك هو انت مخدش مديول الصندوق و بعضهم بيعرض عليك البرنامج شامل
و بعضهم بيقسم اكتر عشان يستفيد
*- اتفق على نظام دفع يضمن لك حقوقك
*- مع اول زيارة للدعم الفني اكد على طلباتك و التقارير اللي هتحتاجها “خاصة لو ليك طلبات خاصة ” و هل هيقدروا عليها ولا المبيعات ثبتك و لبست!😄
*- اتعامل مع نوافذ البرنامج بما يفيدك ويختصر عليك ومش لازم تستخدم جميع النوافذ بعضها ممكن تختصره بسند قيد ويوفر عليك التشتت في الارشفة
*- اي برنامج بياخد فترة اختبار للتاكد من اداءه و نتائجة قبل الامضاء باستلامه
*_الغالب شركات ومؤسسات التقنية تعطي العام الأول لصيانة البرنامج مجانا “الصيانة تعني خدمة الدعم الفني “
*- لازم تعرف الية المعالجة في البرنامج و تابع النتائج لكي تكتشف الاخطاء بعد كده
*- لو عايز برنامج بلا عيوب ؟ تقل جيبك او ادفع في برنامج” customized” تفصيل حسب طلبك
وبكده نكون عرفنا ازاي اختيار محاسب لبرنامج محاسبي