معالجة الضريبة للاصل فى النظام المصرى
لو فيه ضرائب دفعتها على الاصل و انت بتحصل عليه لازم تاخد بالك من حاجة مهمة
الا وهي هل الضرائب دي مستردة ام لا
يعني ايه الكلام ده
يعني ببساطة شديدة لو الاصل كان مثلا آلة هتدخل في انتاج منتج خاضع لضريبة القيمة المضافة
يبقى الضريبة اللي دفعتها و انت بتشتري الآلة مستردة
السبب
لانك اما هتبيع المنتج اللي الآلة هتنتجه هترجع تحصل ضرائب من المشتري
هنا الضريبة اللي دفعتها على الالة لما اشتريتها اسمها الضريبة على المدخلات او الضريبة واجبة الخصم
و اللي حصلتها من العميل اسمها الضريبة على المخرجات و الفرق بينهم هو الضريبة واجبة السداد
مثال
اشتريت آلة من الخارج بـ ٠٠٠‚٢٠٠ و دفعت رسوم جمركية ٠٠٠‚٥٠ و دفعت تكاليف نقل الآلة لمصنعك ٠٠٠‚٢٠ و في الآخردفعت ١٤% قيمة مضافة
فمع العلم ان الالة دي بتساهم في انتاج منتج خاضع للضريبة على القيمة المضافة و بلغت مبيعاته ٣٠٠,٠٠٠ و سعر للضريبة كان ١٤%
تعمل المعالجة ازاي
الاول تجيب تكلفة الاصل الثابت كالتالي ٢٠٠,٠٠٠ + ٥٠,٠٠٠ + ٢٠,٠٠٠ = ٢٧٠,٠٠٠
الالة هنا داخلة في انتاج منتج خاضع للضريبة على القيمة المضافة و عليه الضريبة اللي انت دفعتها هنا مستردة و بالتالي ما تتحطش على التكلفة
فيبقى الضريبة = ٢٧٠,٠٠٠ × ١٤% = ٣٧,٨٠٠ الضريبة واجبة الخصم
طيب بلغت مبيعات المنتج اللي الالة بتنتجه ٣٠٠,٠٠٠ و الضريبة ١٤% = ٣٠٠,٠٠٠ × ١٤% = ٤٢,٠٠٠
يبقى الضريبة واجبة السداد = ٠٠٠‚٤٢ – ٨٠٠‚٣٧ = ٢٠٠‚٤
ملاحظة
– في الحالة هنا الالة جاهزة للاستخدام لكن لو بعد ما استوردتها و كانت لسة غير جاهزة للاستخدام ساعتها الضريبة اللي انت دفعتها على الالة تترسمل على تكلفة الالة او الاصل
معالجة الضريبة للاصل فى النظام المصرى : تعرف علي كيفيه معالجه الضريبه وما إذا كانت المدفوعات قابلة للاسترداد أم لا.
