المحاسب وشراء البرنامج المحاسبي
لو حضرتك محاسب داخل على تطوير بشركتك وبتدور على برنامج محاسبي
خلي النصيحة دي في راسك
مبرووك انت داخل على زواج
البرنامج كما الزوجة بيبان عيوبها مع العشرة
حقيقة وعشان متقعش زي غيرك في برنامج يجبلك الضغط و الشلل او يكون بيغشك في النتائج و انت مخدوع الى ان
تحدث الصدمة في وقت حرج “!!!!!!!”
خلي في بالك كذا حاجة
*- اعرف امكانيات شركتك المادية و الهيكلية و حدد طلباتك بدقة
*- لاتكتفي انك تاخد فكرة من طريق ديمو البرنامج لانها نسخة مختصرة لاتظهر عيوب الممارسة
*- السمعة فقط لا تكفي اعرف التفاصيل و اسأل مجرب فعلي ويكون شخص موثوق, فبعض البرامج بتاخد سمعة نظرا لرخصها او لجودة التسويق و ارتفاع العمولات “واخد بالك”
*- البساطة دور على جودة الاداء مع سهولة الاستخدام “نوافذ سهلة و ادخالات بسيطة “
*- القدرة على استيعاب انشطة عملك بمشاكله وضغوطه و احتمالية التوسع “مرن برمجيا”
*- دور على الذكاء البرمجي و المرونة و المقصود التقارير المرنة و القدرة على تطويرها و احتوائها لكل ما يفيدك
*- دور على الشركة او المؤسسة المالكة للبرنامج لابد ان تكون مؤسسة سمعتها جيدة و الدعم الفني و الخدمة لديها على مستوى الثقة
“عشان كدا قولتلك اسئل مجرب”
*- صدق عينك و التفاصيل و متصدقش مندوب المبيعات
“المبيعات ****ين “
*- اللي اوله شرط – خد بالك في الاتفاق اتفق على كل صغيرة وكبيرة و واعرض طلباتك كاملة وبزيادة
*- اوعى تاخد بالمظاهر ” شكل النوافذ و الالوان “
– لو هتشتري برنامج بسيط اتاكد انه متكامل وهيفيدك
” سعر قليل و يؤدي الغرض”
– لو هتشتري برنامج اي ار بي ERP اتاكد انك بتتفق على جميع الموديلات اللي هتحتاجا !!! موديلات
متفاجئ هقولك ؟ اغلب الشركات ERP
بيقسموا البرنامج لموديلات على حسب هواهم “مش مجرد مديولات مقاولات و النقل او الخدمية وغيره حسب الانشطة
” خد التقيلة “
مثلا يقولك مديول مقاولات وانت فاكر انك كدا اتفقت على البرنامج كامل تفتحه متلاقيش لا حسابات لقيود اليومية او حساباات مخزون “حركة صنف “
اوعى تتفاجي
اسئل المندوب اية المديول الناقص “حسب توزيعتهم” واتفق على كل الموديالت اللي انت محتاجها
مثلا هتلاقي مديول مخازن لحالة و مديول صندوق و مديول مودين ومديول عملاء وهكذا
اه و ممكن يقسملك الموردين لمديول فاتورة مشتريات و ومديول ذمم وكل مديول بسعر “مفيش حاجة ببلاش”
وللامانه بعضهم بيصرحك من البداية و بيعرفك الاتفاق يشمل فقط مديول كذا
وبعضهم بيفاجائك بعد ما تدفع ويسالك هو انت مخدش مديول الصندوق و بعضهم بيعرض عليك البرنامج شامل و بعضهم بيقسم اكتر عشان يستفيد
**!*- اتفق على نظام دفع يضمن لك حقوقك
*- مع اول زيارة للدعم الفني اكد على طلباتك و التقارير اللي هتحتاجها “خاصة لو ليك طلبات خاصة ” و هل هيقدروا عليها ولا المبيعات ثبتتك و لبست!
*- اتعامل مع نوافذ البرنامج بما يفيدك ويختصر عليك ومش لازم تستخدم جميع النوافذ بعضها ممكن تختصره بسند قيد ويوفر عليك التشتت في الارشفة
*- اي برنامج بياخد فترة اختبار للتاكد من اداءه و نتائجة قبل الامضاء باستلامه
*_الغالب شركات ومؤسسات التقنية تعطي العام الأول لصيانة البرنامج مجانا
“الصيانة تعني خدمة الدعم الفني “
*- لازم تعرف الية المعالجة في البرنامج و تابع النتائج لكي تكتشف الاخطاء بعد كده
*- لو عايز برنامج بلا عيوب ؟ تقل جيبك او ادفع في برنامج customize” تفصيل حسب طلبك “