قائمة مهامك To-Do Listهي مجرد قايمة بالحاجات اللي هتأجلها لبكرة ارميها في الزبالة

قائمة مهامك To-Do List هي مجرد قايمة بالحاجات اللي هتأجلها لبكرة ارميها في الزبالة في نظام أقوى منها بمليون مرة

ليه الـ To-Do List فاشلة ؟

لأنها معمولة علشان تفشلك ! هي عبارة عن قايمة أمنيات طويلة… من غير أولويات ومن غير سياق.
عقلك أول ما بيشوفها بيحس بالضغط فيقرر يهرب ويفتح TikTok يقلب فيه .

الـ To-Do List بتشجعك تبدأ بالحاجات الصغيرة والسهلة الأول علشان تحس بالإنجاز
لكن النتيجة إنك بتقضي يومك مشغول بس ما عملتش الشغل المهم اللي فعلاً هيكبر البزنس بتاعك

تعرف المشكلة الحقيقية فين ؟

إن قايمة مهامك مش مربوطة بأغلى حاجة عندك… ” وقتك ” هي قايمة ” أعمل إيه ؟ ” مش ” هعمل إمتى ؟ “
ومن غير وقت محدد المهمة بتفضل مجرد فكرة مش خطة.

طب إيه هو النظام الأقوى ؟

نظام اسمه Time Blocking – تحديد أوقات المهام

الفكرة بسيطة جدًا : بدل ما يبقى عندك قايمة مهام يبقى عندك نوت او اجندة ( تقويم ) لو الشغل مش متحدد بساعة معينة… اعتبره مش موجود أصلاً

خلي الاجندة هي مديرة اعمالك ! هي اللي تقولك تعمل إيه دلوقتي
وده بيخلصك من التردد…
لأنك مش محتاج تفكر تعمل إيه القرار اتاخد امبارح النهارده بس بتنفذ

مرة في الأسبوع – مثلاً الجمعة بالليل :

اعمل تفريغ دماغ اكتب كل الحاجات اللي ممكن تعملها الأسبوع الجاي على ورقة خارجية
ودي تبقى قايمة الأفكار بتاعتك… مش قايمة المهام .

وبعدين كل يوم بالليل أو الصبح بدري افتح الاجندة بتاعة اليوم اللي بعده أو نفس اليوم شوف الساعات الفاضية واختار مهمة أو مهمتين بس من قايمة الأفكار
وحطهم في الساعات دي كده تبقى بتخطط ليومك قبل ما يبدأ.

الملخص من الموضوع

الـ To-Do List بتديك وهم السيطرة
لكن الاجندة بتديك ” السيطرة الحقيقية ” خصص وقت لكل حاجة علشان تنجز بجد

نصيحة :
افتح قايمة مهامك على الموبايل واختار أهم 3 حاجات لازم تعملهم بكرة وحطّهم في ساعات معينة
وجرب تشوف إحساسك بالإنجاز هيبقى عامل إزاي

في النهاية دا مجرد رأيي الشخصي ممكن يكون صح وممكن يكون غلط
بس هو نابع من تجربة حقيقية وحبيت أنقلها زي ما هي ..

ولو المقال دا فادك فعلا هتستفيد أكتر لما تشوف كمان المقالات دي :

🔹 إزاي تختار نظام إدارة وقت يناسب شغلك
🔹 5 عادات بسيطة تخليك تنجز أكتر في يومك
🔹 ليه التخطيط الأسبوعي أهم من اليومي في شغلك